16 Feb OITO MEDALLAS NO GALEGO ABSOLUTO DE PISTA CURTA

Expourense acolleu un ano máis o Campionato Galego Absoluto de Pista Curta, onde o Sanysec – Ourense Atletismo conseguiu un total de oito medallas.

De ouro:

• Miguel Carbajales venceu na pértega cun mellor salto de 4.76, sacándolle máis de trinta centímetros ao segundo clasificado.
• Iria Solera venceu no salto de altura cunha altura de 1.70 metros. A atleta tivo algúns apuros no 1.66, superando esa altura á terceira tentativa, pero aínda puido coa seguinte altura da cadencia.
• Manuela Blanco gañou en pértega con 3.80 metros. Fixo un salto válido en 3.65, que xa lle bastaría para gañar o campionato, e o válido en 3.80. Os tres nulos realizounos sobre o 3.6
• Alba Martínez venceu no triplo salto con 12.09. A atleta só fixo un salto válido máis un ineficiente 10.62, pero sacoulle máis de 60 centímetros á segunda clasificada.

De prata:

• Irma Veiguela foi segunda nos 800 cun tempo de 2:14.98.
• Aitana Capeáns foi prata no lanzamento de peso con 12.55.

De bronce:

• Aroa Muñoz obtivo a medalla de bronce nos 400 parando o crono en 57.47.
• Rebeca Fernández foi a terceira clasificada en pértega con 3.20.

Sete das oito medallas foron en categoría feminina. Por sectores, cinco foron en saltos (dos que tres foron en pértega) e as outras tres repartíronse entre lanzamentos, mediofondo e velocidade.

Podes consultar os resultados ao completo na seguinte ligazón:

XLI Campionato Xunta de Galicia de Atletismo Absoluto en Pista Curta