CAMPIONATO GALEGO DE P.C. COMO PROTAGONISTA DA FIN DE SEMANA

CAMPIONATO GALEGO DE P.C. COMO PROTAGONISTA DA FIN DE SEMANA

O Campionato Xunta de Galicia absoluto e sub23 en Pista Cuberta será o principal protagonista dunha fin de semana completa para a afición atlética ourensá, que terá o sábado aos maiores en Expourense e o domingo aos pequenos no Campionato Provincial Xogade de Campo a Través en Ribadavia.

Na máis importante competición da pista cuberta galega, participarán 21 atletas do Club Ourense Atletismo, ademáis de Raquel Cosme, que por ter licenza catalá participará fóra de concurso. Isto non fai máis que reflexar o bo estado do club, que xa quedou entre os mellores clubs de Galicia en pista cuberta e que agora é o equipo da provincia que máis atletas clasifica ao campionato individual.

As mellores bazas do club no campionato absoluto veñen pola parte feminina, onde África Gómez nos 200 metros, Antía Castro nos 1.500 metros e Manuela Blanco en pértega teñen boas opcións de obter medalla. Nesta última proba, Raquel Cosme buscará a mínima para o Campionato de España do Pista Cuberta que se celebrará entre o 25 e o 27 de febreiro tamén en Expourense.

Pola parte dos homes, as opcións de medalla son menos claras, pero atletas como Diego Ares en altura ou Rubén Diz nos 3.000 metros seguro que presentarán batalla.

No campionato sub23 representaranos Nayeli Iglesias en altura, Pablo Rodríguez en 60 m. valados e Martín Míguez en 1.500 metros, todos con opción a medalla.

Pódese consultar a lista de inscritos, así coma o regulamento, no seguinte enlace:

XXXVII Campionato Xunta de Galicia Absoluto e Cto. Xunta de Galicia Sub 23 en Pista Cuberta

 

 

No Comments

Sorry, the comment form is closed at this time.