29 Dic OURENSE ATLETISMO SEXTO NAS COMBINADAS
O Ourense Atletismo logrou a sexta praza no Campionato Galego de Clubs de Probas Combinadas na categoría feminina. O equipo formado por Ana Nóvoa, Lara Vázquez e Nayeli Iglesias logrou un meritorio sexto posto a pesar do abandono de Ana na última proba do pentathlon polas molestias que estaba sufrindo no 800 metros.
O equipo obtivo unha puntuación final de 6821 puntos, non moi lonxe da quinta posición do Rías Baixas (6996) e superando por pouco ao Xuncas Diversia que rematou na sétima posición (6795).
As tres atletas conseguiron a maior cantidade de puntos nos 60 valos, con marcas de 10.49 para Ana (623 puntos), 10.35 para Lara (648 puntos) e 10.46 para Nayeli (629 puntos).
A nivel individual, ao ser celebrado conxuntamente como Criterium, Lara obtivo a terceira praza no péntatlon sub18, con Ana sendo novena. Nayeli no péntatlon senior foi cuarta.
Podes consultar os resultados ao completo nas seguintes ligazóns:
Sorry, the comment form is closed at this time.