TANIA VALVERDE CAMPIOA DE EUROPA

25 Mar TANIA VALVERDE CAMPIOA DE EUROPA

Tania Valverde vén de proclamarse Campioa de Europa W35 en salto de lonxitude. No mesmo campionato, Maria José Salmerón rematou en cuarta posición nos 60 metros.

O Campionato de Europa de pista cuberta foi disputado na cidade polaca de Torun e nel participaron as nosas dúas atletas de categoría W35. Tania venceu á atleta estonia Võhmar Kristi por tres centímetros, igualando a súa mellor marca da tempada cun mellor salto de 5.52. María José clasificouse gañando a súa semifinal cun rexistro de 8.02, o que é a súa marca da tempada, e na final foi cuarta cunha marca de 8.07, a oito centésimas do podio.

Fantásticos resultados das dúas atletas que mostraron estar nun magnífico momento de forma para o campionato europeo.

Podes consultar os resultados ao completo na seguinte ligazón:

14. European Masters Athletics Championships Indoor