TRES CAMPIONATOS GALEGOS NA FIN DE SEMANA

11 Mar TRES CAMPIONATOS GALEGOS NA FIN DE SEMANA

Ademáis da participación no Campionato de España sub20, tivemos unha ampla presenza nos tres campionatos galegos celebrados na fin de semana do 9 e 10 de marzo.

O sábado disputouse en Expourense o Campionato Galego sub14 de pista curta, onde obtiveron postos de medallistas Marcos Abeso, segundo nos 60m. con 8.60; Ana Sierra, terceira nos 60m. con 8.43; e Aroi Fernández, terceiro nos 500m. con 1:28.20.

Xa o domingo na pista de Riazor celebráronse os Campionatos Galegos sub10 e sub12 de pista curta. As medallas viñeron por parte de Álex Cid, bronce nos 500 sub10 con 1:41.32; Rodrigo Cordero, bronce tamén en lonxitude sub10 con 3.49; e Ada Cecilia Outeiriño quen fixo dobrete ao ser terceira nos 50m. sub10 con 8.39 e repetiu o terceiro posto na lonxitude con 3.17. Catro terceiros postos en total por parte de tres atletas diferentes.

Tamén o domingo en Xinzo celebrouse o Campionato Galego de 10K xunto cun 5K popular. No campionato galego, Alejandro Fernández foi o subcampión cun tempo de 31:55 (gañando en categoría M35) e Begoña Domínguez foi a subcampioa tanto do campionato cunha marca de 37:36, gañando tamén na categoría M35. En M40 Javier Paredes venceu cun rexistro de 32:39, Ana Isabel Soutullo foi a subcampioa de M45 con 41:47 e Saturnino González subcampión M60 con 36:41. Nas categorías por debaixo da sénior (sub20 e sub23), Matías Regueiro fio terceiro con 35:45.

Podes consultar os resutados ao completo na seguinte ligazón:

XVII Campionato Xunta de Galicia Sub-14

XVII Campionato Xunta de Galicia Sub-10 & Sub-12

10K e 5K XINZO DE LIMIA – CTO. XUNTA DE GALICIA 10K EN RUTA