02 Abr BLANCA PEREIRA SUBCAMPIOA DE ESPAÑA
Novo éxito de Blanca Pereira nun campionato de España, esta vez a pesar das adversidades físicas.
Competindo con problemas de saúde logrou un mellor lanzamento de 50.99 en lanzamento de martelo, o que lle permitu lograr a praza de subcampioa de España sub20. Non se lle podía pedir máis a esta atleta na súa participación en Castellón.
MÁIS PISTA NA FIN DE SEMANA
Ainda que o evento destacado foi o Campionato de España de lanzamentos longos de menores, déronse máis probas de pista na fin de semana.
En Vigo celebrouse o XXXIV Reconquista – Trofeo Antonio Fernández coa participación de varios atletas ourensanistas: Fernando Trapote quedaría 5º na súa serie dos 600m cun rexistro de 1:40.57, Alejandro Cadaya marcaría o segundo mellor tempo nos 3.000m parando o crono en 9:01.71 na mesma serie na que Enrique Martínez faría 9:24.40, Guillelme Castillo na outra serie dos 3.000m pararía o reloxo en 9:47.59, Hugo Fernández no lanzamento de martelo de 6kg enviou o artefacto ata os 51.93kg e nos 3.000m femininos Itzíar Manso logrou a 5ª posición cunha marca de 11:08.74, seguinda na 7ª posición de Paula Cabaleiro con 11:28.20.
Tamén se celebrou a primeira xornada da fase comarcal de Xogade en Ourense, estreando en varias disciplinas novo formato de competición na que se prima a parte máis lúdica do atletismo frente a competitiva. A participación foi moi ampla e nos primeiros postos quedaron Mauro Díaz (peso 2kg alevín), Naia Bermejo (80m. e xavelina infantil), Usúe Bernárdez (1.000m. infantil), Lucía Quintas (altura infantil) e Sofía Montoto (disco 800gr. infantil).
Podes consultar os resultados ao completo nas seguintes ligazóns:
Campionato de España de inverno de lanzamentos longos de menores
XXXIV Reconquista – Trofeo Antonio Fernández
Xogade – Atletismo Pista – 1ª Xornada – Ourense 2023
Sorry, the comment form is closed at this time.