FIN DE SEMANA CON MÍNIMA MUNDIAL

30 Ene FIN DE SEMANA CON MÍNIMA MUNDIAL

CARMEN ESCARIZ 4ª DE ESPAÑA E MÍNIMA PARA O CAMPIONATO DO MUNDO DE MARCHA POR EQUIPOS

Carmen Escariz logrou o 4º posto no Campionto de España de 35 km de marcha en ruta absoluto mulleres, cunha marca de 3:00:48 o que supón a mínima para o Campionato do Mundo de Marcha por Equipos. A estradense adestrada por Javier Vázquez suma outro fantástico logro ao récord galego de 10km batido na Pobra do Caramiñal fai dúas semanas. Esta vez foi sobre o asfalto de Lepe onde sumou un novo éxito ao seu palmarés.

Tamén en Lepe se celebrou o Campionato de España Sub20 e Sub16 de marcha por Federacións Autonómicas, coa participación ourensanista de Rita Vázquez nos 10km sub20. Co seu 34º posto entre as 80 participantes iniciais, aportou uns importantes puntos cos que obtivo a medalla de bronce coa selección galega.

Outro campionato de España por seleccións celebrado este fin de semana foi o Campionato de España de Campo a Través Individual e de Federacións, coa representación ourensanista de Begoña Domínguez coa selección absoluta, Said Abdoun e Martiño Míguez coa sub23, e Antía Castro coa sub20. O resultado máis destacado para o club neste campionato celebrado en Jaén, foi o de Antía Castro cun 15º posto na carreira sub20.

Nun ambiente moito menos competitivo, tamén se celebrou este fin de semana o III Trofeo + Deporte La Región de atletismo en pista cuberta, onde máis de 100 atletas pertencentes á nosa Escola de atletismo participaron en diversas probas atléticas. Para moitos destes atletas foi o seu primeiro campionato, polo que se puideron ver moitos nervios na pista que non impediron, grazas á axuda de nais, pais e monitores, que puideran disfrutar do evento.

Non nos olvidamos tampouco de Javier Domínguez, Raquel Cosme, África Gómez, Anxela Seoane, Blanca Pereira e Manuela Blanco, que competiron en León, Sabadell, Vila Nova de Cerveira e Lugo, e onde Manuela bateu a súa mellor marca persoal facendo 3.20m. en pértega, ainda que sen conseguir todavía o obxectivo da mínima para o Campionato de España sub18 en pista cuberta, que está en 3.25m.

Pódense consultar os resultados nos seguintes enlaces:

89º Campionato de España Marcha en ruta

Campionato de España Sub20 e Sub16 de marcha por Fed. Aut.

CIV Campionato de España de Campo a Través Individual e Federacións

III Trofeo+ Deporte La Region Atletismo en pista cuberta