Resultados do Campionato de Ribadavia.

Resultados do Campionato de Ribadavia.

Fotocarlosgrafias.com

 

A cita máis importante do domingo tería lugar en Ribadavia, onde un nutrido grupo de atletas déronse cita para participar no LXXXIII Campionato de Galicia de campo a través. Esta cita atlética é a máis importante da tempada atlética invernal na nosa Comunidade. A Area Recreativa de “A Veronza” no Concello de Ribadavia sería de novo a sede deste importante evento. O máis salientable desta competición e que estaban en xogo as prazas que dan acceso a representar a nosa Comunidade no Campionato de España de Campo a Través que se desenvolverá en Mérida o vindeiro día 10 de marzo e na que se seleccionan directamente os cinco primeiros atletas homes senior así como os tres primeiros do resto de categorías. As probas comenzarían a partir das 10:30 da mañá ca saída das Sub-20 femininas. Nesta primeira proba a atleta Antía Rodríguez  acadaba unha terceira plaza, o que a facía a máis destacable desta xornada .

A seguinte das carreiras sería para os homes, na mesma categoría e sobre as 11:00 da mañá, dabase o pistoletazo de saída, o noso representante sería Alejandro Cadaya quen remataba 21º na proba.

Era o turno para da saida da carreira absoluta e promesa feminina: tanto nesta categoría coma na dos homes eramos quen de formar equipo. Nas mulleres a mellor clasificada sería Silvia Teijeiro 21ª outras compañeiras que puntuaron na clasificación do equipo serían Mercedes Fdez 25ª, Whitney Rguez 27ª, Esther Bouso 33ª, Mª José Tourón 34ª. Coa puntuación obtida o equipo colocouse na cuarta posición da clasificación.

Con idéntica distancia, 9 km, máis de douscentos atletas masculinos tomaban a saída. Rubén Diz 7º sería o atleta mellor clasificado do noso club nesta carreira.  Por conxuntos situámonos na 5ª posición, os atletas que puideron puntuar para acadar esta clasificación serían ademais do anteriormente mencionado, Julián Romero 31º, Roberto Espiña 36º, Alejandro Montero 39º.

Resultados  

 

No Comments

Sorry, the comment form is closed at this time.